Color Lab
Тон карти
Во Colour Lab е достапен исклучително широк колор-спектар за Crown производите – вкупно до 58.203 нијанси, организирани преку системите Crown, British Standard, NCS, RAL, RAL DESIGN и PANTONE.
Тон картите претставуваат стандартизирани колор-системи кои овозможуваат прецизна дефиниција, репродукција и контрола на бојата, без отстапки меѓу различни серии, производи или објекти. Секоја нијанса е математички и визуелно дефинирана, што гарантира конзистентен резултат при мешање и повторна изработка.
Колор-структурата на нијансите се базира на три основни параметри:
Hue (нијансен тон): основната колор-насока на бојата (црвена, жолта, сина, зелена и нивните меѓунијанси).
Lightness (светлина): нивото на осветленост или затемнетост на бојата, од темни до светли тонови.
Chroma (хрома): интензитетот и чистотата на бојата – од пригушени, неутрални тонови до високо заситени нијанси.
Овој систематски пристап овозможува прецизно градење на палети, контрола на контраст и хармонија, како и сигурен избор на нијанса за ентериер, екстериер и професионални проекти. Тон картите се основа за точен колор-избор и претставуваат референтна алатка за архитекти, дизајнери и изведувачи.
ColourKey
Crown ColourKey е компактен џебен уред за скенирање боја кој, преку мобилна апликација, овозможува да измериш нијанса на речиси секоја површина и веднаш да добиеш најблиско совпаѓање од база со илјадници бои.
Во споредба со слични алатки, нуди поширок избор и попрецизни резултати благодарение на напредна оптика и висок-CRI бели LED диоди, со над 92% точност од првото мерење. ColourKey усогласува со Crown Paints нијанси, како и со British Standard, RAL и NCS стандарди.
Дополнително, прикажува корисни колор-параметри како LRV, HEX, RGB, Lab/LCH и CMYK, и предлага готови колор-шеми за полесно креирање хармонични комбинации околу избраната нијанса.
А5 картички
A5 картичките се физички примероци на избрани нијанси – идеални за реална проценка на боја во простор. За разлика од екран или мала тон-карта, A5 форматот ти дава подобра слика за:
•како нијансата изгледа на дневно и вештачко светло
•како реагира покрај мебел, под и текстил
A5 картичките можеш да ги разгледаш и споредиш директно во нашата продавница, со стручна препорака за најсоодветна комбинација и финиш.
Тестер пот
Тестер пот е најсигурниот чекор пред финалната одлука: мала количина боја со која ја пробуваш нијансата директно на твојот ѕид, во реални услови. На овој начин добиваш реална слика како ќе изгледа бојата кога ќе се нанесе на поголема површина и како ќе се однесува во просторот во кој живееш или работиш.
Со тестер пот можеш да провериш:
•вистински тон и интензитет на бојата во твојот простор
•како се менува во текот на денот – утринско светло, директно сонце, сенки и вечерно вештачко осветлување
•како изгледа покрај постоечки елементи – под, мебел, плочки, завеси и други материјали
Colour Visualiser
Со Colour Visualiser можеш виртуелно да ја видиш избраната нијанса на ѕидовите – одлична алатка за брз избор, споредба на повеќе опции и тестирање на комбинации, контрасти и тонски насоки во различни простории.
Важно е да се има предвид дека визуелизацијата служи како ориентација: бојата на екран може да варира во зависност од осветлувањето, калибрацијата на уредот и материјалите во просторот. Затоа, за најточен избор, препорачуваме да дојдеш во нашиот продажен салон – за консултација, проверка на нијансите со тон карти, A5 примероци и, по потреба, тестер пот за проба во реални услови.
Кликни на следниот линк за да го пробаш Colour Visualiser и да добиеш насока за бојата во твојот простор:
